Kuch Bhi Nahi...

Wo nahi toh sach mein kuch bhi nahi... Ab chaahta hoon ke din na beetein, darta hoon ke shaam na ho... Uska khayal na aaye par kya karoon usey bhoolaya bhi toh nahi jaata... Sach kahoon toh main usey bhoolna bhi nahi chaahta hoon, wo wajah hain mere muskurane ki, mere jeene ki... Mera hausla hain wo, meri himmat hain wo... Kyun nahi samajhti wo ke main uske bagair toot raha hoon, bikhar raha hoon... Main hasna chaahta hoon par kyun chhup chhup kar rota rehta hoon... Jitni baar phone bajta hain, sms aata hain utni baar main ro padta hoon ye dekh kar ke usne iss baar bhi call nahi kiya, sms nahi kiya... Kya main kisi ke dosti ke laayak bhi nahi... Ab toh likhne ka bahaana bhi nahi, shabd bhi nahi... Main likhna chaahta hoon bas woh wajah ban jaaye meri... Maine kuch bhi toh nahi maanga tha us se toh phir usey kis cheez ke chhin jaane ka darr hain... Paaglo'n ki tarah uski tasveer dekhta hoon sau baar hazaar baar, Lagta hain ab bol padegi kahegi main kahi nahi gayi main toh tumhare saath hoon aur hamesha tumhare saath rahoongi... Kaash!... Bahot dard hota hain, aisa lagta hain dum ghoot jaayega, saansein thamm jaati hain phir usey kiya hua vaada yaad aata hain ke kaise bhi kisi bhi haalat mein jeeyonga zaroor... Bas! zinda hoon...